រថយន្តបុករថយន្ត បណ្តាលឱ្យមនុស្សម្នាក់ រងរបួសធ្ងន់ នៅស្រុកអង្គរជ័យ
07-August-2019 | ដោយ ពលមនសិការ
កំពត៖ នៅថ្ងៃទី០៧ ខែសីហា ឆ្នាំ២០១៩ វេលាម៉ោង០២និង៣០នាទី មានករណីគ្រោះថ្នាក់ចរាចរណ៍មួយកើតឡើង លើផ្លូវជាតិលេខ៣១ ស្ថិតក្នុងភូមិប្រាល ឃុំតានី ស្រុកអង្គរជ័យ ខេត្តកំពត ដែលមានទិសដៅពីកើតទៅលិច បណ្តាលលឱ្យមនុស្សម្នាក់រងរបួសធ្ងន់។
សមត្ថកិច្ចបានឱ្យដឹងថាមុនពេលកើតហតុ បានឱ្យដឹងថាមុនពេលកើតហេតុមានរថយន្តមួយគ្រឿងម៉ាក SSANG YUNG ISTANA ប្រភេទទេសចរណ៍ធុនតូច ពណ៌ស ពាក់ស្លាកលេខ ភ្នំពេញ ២U-០៣៦០ អ្នកបើកបរឈ្មោះ ស្ងួន ផេង ភេទប្រុស អាយុ៤៥ឆ្នាំ មានទីលំនៅភូមិសារ៉ុង ឃុំភ្នំដិន ស្រុកគីរីវង្ស ខេត្តតាកែវ បើកបរលើផ្លូវលំក្រាលគ្រួសក្រហម ក្នុងទិសដៅពីកើតទៅលិច មកដល់ចំណុចកើតហេតុ បានបើកឆ្លងផ្លូវជាតិលេខ៣១ ក៏បានបុកជាមួយរថយន្តមួយគ្រឿងម៉ាក HYUNDAI ប្រភេទដឹកទំនិញធុនធំ ពណ៌សលាយលឿង ពាក់ស្លាកលេខ ព្រះសីហនុ ៣A-៣៨៩០ អ្នកបើកបរឈ្មោះ កែវ សុភា ភេទប្រុស អាយុ៥៤ឆ្នាំ មានទីលំនៅភូមិកំពង់ត្រាច ឃុំកំពង់ត្រាចខាងកើត ស្រុកកំពង់ត្រាច ខេត្តកំពត។
ក្រោយកើតហេតុវត្ថុតាងរួមមានរថយន្តចំនួន០២គ្រឿង បានយកទៅរក្សាទុកនៅអធិការដ្ឋាននគរបាលស្រុកអង្គរជ័យ ៕
ចំនួនអ្នកទស្សនា
- ថ្ងៃនេះ4631
- ម្សិលមិញ14181
- សប្តាហ៍នេះ4631
- ខែនេះ119781
- ឆ្នាំនេះ119781
- សរុប20562237